Footer

Teddek a karapetak

nagtagilasagka nga arapaap
ta simmangbayka a sammaked
ti teddek ti panagtalek

intuloyko iti nagdalliasat uray gingget
ta addaka a silaw-bagnos
dagiti balikas a makapakired
natibkerak itan, natibkerakon
a sumaranget iti pannubok
ta nabileg nga igamko ti kaaddam
a mangpatpatibker ti pakinakemko

sapay ta di sumangbay ti isisinam dennak
addaka la  koma a sarikedkedko
tapno nakiredak latta a sumaranget
iti rabak ti panawen…

bagnosko dagiti naskedan a pammagbagam
gamengko dagita a kapatgan
ta awan mamaay ti umang-anges nga ayat
no awanka met a teddek a karapetak…

— Aira Rowena Reyes Banglas
Brgy. Bucarot, Adams
2922 Ilocos Norte