Footer

Traffic enforcer, pinangtaan ti polis

CANDON CITY – Maysa a traffic enforcer ti pinangtaan ti maysa a polis kalpasan ti panangtiliwna iti maysa a drayber a naglabsing iti trapiko iti siudad.

Insigida nga inreport ni Darius Razo y Remolacio, 25, baro, traffic enforcer ken residente iti barangay Paras ditoy siudad, ti panangipangta kenkuana ti maysa a polis a nainaganan a  maysa a PO1 Velasco, ken mapapati a kameng ti PNP-RMG.

Segun iti blotter, bayat ti kaadda ni Razo iti sanguanan ti Stern Mall agarup alas 2:45 iti malem, nakitana ti maysa a jeep a nagikarga kadagiti pasahero iti no loading area.  Agur-uray met ti suspetsa iti paglugananna.

Innala ni Razo ti lisensia ti driver ngem mapapati a binallaagan ti polis babaen dagiti sumaganad a balikas:  “Padasem a tiliwen daytoy driver, taga-Santa Cruz dayta, kailiak… ta paltogak ta ulom.”

Gapu iti buteng ti traffic enforcer, insigida nga insublina ti lisensiana ket pimmanaw metten ti jeep nga agturong iti abagatan a direksion

Agtultuloy ti imbestigasion ti polis mainaig iti nasao nga insidente.

Comments are closed.