Footer

Kotse, motorsiklo, nagdinnungpar

BANTAY, Ilocos Sur – Nakaro ti dunor ti maysa a baro kalpasan a dinungpar ti kotse ti naglugananna a motorsiklo iti kalsada nasional a sakup ti maysa a barangay ditoy.

Nagsagrap iti nakaro a dunor ni Alvin Montero, 19, baro, residente ti Sta. Lucia, Narvacan, Ilocos Sur gapu iti panangdungpar ti kotse a minaneho ni Jerry Alves, 40, baro, residente ti Bulala, Vigan City, ti motorsiklo ti biktima iti national highway ti Barangay Naguiddayan.

Segun iti inbestigasion dagiti polis agpadaya a direksion ti kotse idinto nga agpalaud ti motorsiklo ngem kimmaut  ti motorsiklo iti linia ti kotse idi linabsanna  ti maysa a traysikel  a puon ti nakadungparanna.#