Footer

Lakay, nadungpar, natay

SANTIAGO, Ilocos Sur.  Maysa a 73 anios a lakay ti natay kalpasan a dinungpar ti maysa a kotse  bayat ti panagballasiwna iti national highway iti barangay Caburao ditoy.

Nabigbig ti biktima a ni Luis Custodio y Corpuz,  taga-Caburao ditoy ngem residenten iti Basa Air Base, Pampanga, idinto a nainagan ti nagmaneho iti  Honda City, addaan plaka XGG-961 a ni Emily Padilla y Cabatic, 32, ken agnaed iti Narvacan, Ilocos Sur.Naammuan iti inbestigasion nga agdaldaliasat iti national highway ti lugan ni Padilla idi mapapati a bimmallasiw ni Custodio. Ginandat a liklikan ni Padilla ti lakay  ngem nasapgidna latta ti biktima.

Naitaray iti Candon General Hospital ti biktima ngem naideklara a natay bayat ti pannakatamingna.

Nupay kasta, nagsinnurot ti pamilia ti biktima ken  ni Padilla nga agbayad ti naud-udi iti  P500,000 gapu iti pannakatay ti lakay. (Danny Antalan