Footer

Kinder pupil, nalmes iti swimming pool

CAOAYAN, Ilocos Sur – Nalmes ti maysa a kindergarten pupil bayat ti panagdigosna iti swimming pool iti maysa a beach resort ditoy itay lawasna.

Saanen a naidanon ti biag ni Derrick Johnny de Leon, 6, agbasbasa iti Kindergarten, iti Polyclinic and Hospital iti Vigan City.

Segun iti inbestigasion, napan nagdidigos da Albert de Leon, 30, residente ti Cabaraoan Laud, Vigan City, ti asawana, ken gagayyemna iti Caoayan Heritage Resort ket inkuyogda ti tallo nga ubbing a pakairamanan ni Derrick.

Mapapati a timmapog dagiti tallo nga ubbing iti paglalangoyan a para iti nataengan.

Nagbalaw da Albert idi dida makita ti anakda ket iti panagbirokda, nasukalanda laengen daytoy iti lansad ti swimming pool.

Intaray dagiti nagannak ti ubing iti ospital ngem naideklara a natayen.

Comments are closed.