Footer

Naganawa nga estudiante, nabagsol

TAGUDIN, Ilocos Sur – Naganawa iti rambol ti dua a grupo dagiti estudiante, ket daytoy la ket ngarud ti naisarsarak.

Agngangabit ken patay ni Abelardo Luban y Lantano, 21 gapu iti pannakabagsolna idiay barangay Ambalayat, iti daytoy nga ili.

Nainaganan ti suspetsa a ni Allan Limon, 22, estudiante ken residente iti isu met laeng a lugar.

Naammuan iti inisial nga inbestigasion ti polis nga adda timmaud a di panagkikinnaawatan ti grupo ti suspek ken ti biktima.  Ginandat nga aganawa ti biktima ngem dita metten a binagsol  ti suspek.

Insigida a naitaray ti biktima iti Southern Ilocos Sur District Hospital ngem gapu iti nakaro a sugatna iti boksitna, naiyalis iti San Fernando, La Union.

Boluntario met a simmuko ti suspek kadagiti pannakabagi ti linteg.  Saan a narekobre dagiti polis ti armas a naaramat iti pammagsol.