Footer

“DV

VIGAN CITY – Awan ti ania a nagbaliwan ti pul-oy ti politika iti probinsia kalpasan nga inurnos ni Governor ken senatorial candidate Luis “Chavit” Singson dagiti kandidato para kadagiti nadumaduma a lokal a puesto.

Awan ania a nagbaliwan pul-oy politika iti probinsia

VIGAN CITY – Awan ti ania a nagbaliwan ti pul-oy ti politika iti probinsia kalpasan nga inurnos ni Governor ken senatorial candidate Luis “Chavit” Singson dagiti kandidato para kadagiti nadumaduma a lokal a puesto.

Inwaragawag ni Singson, provincial chairman ti Lakas-CMD a ni Vice Governor Deogracias Victor “DV” Savellano ti kandidato ti partido para gobernador ket katiketna ni Bokal Jeremias “Jerry” Singson a para bise gobernador.

Manamnama nga iluges ni Savellano dagiti makalabanna para gobernador, da Romeo Hidalgo, kandidato ti Partido ng Masang Pilipino, ken Roque Sison, Independent, gapu ta awan ti maibilang a makinaria a mangiduron kadagitoy.    

Ni met Bokal Ronald Singson ken ni Diputado Eric Singson ti kandidato Lakas-CMD.

Saanen nga agkandidato pay ni Dip. Salacnib Baterina  ta agturposen ti terminona a nangibagi iti umuna a distrito iti probinsia iti napalabas a siam a tawen.

Sumango ken ni Bokal Ronald Singson ni Bertrand Baterina, kandidato ti Liberal Party.

Kabalubal ni Bokal Jerry Singson para bise gobernador ni Atty. Tillie Cordero, kandidato iti babaen ti United Opposition.

Dagiti met sumaganad dagiti kandidato para bokal iti babaen ti Partido Lakas-CMD: Bokal Orlino Tesoro, pailayon; Bokal Azucena “Chuchi” Purisima, pailayon; Bokal Ronnie Rapanut, dati a kameng ti oposision, pailayon; Ismael Baterina, anak ni Dip. Baterina, ken Larry Raboy.

Dagiti dadduma pay nga agtaray para bokal: Guillermo Ballesteros (PMP), Santiago Cabatu, Sr. (PDSP), Marjorie de Leon (PMP), Romeo Garces (PMP), Ruben Marzan (PMP) ken Marissa Oandasan (Independent).

Iti segundo a distrito, dua nga independiente, da Ernesto Antolin ken Henry Capela, ti mangkarit iti liderato ni Dip. Eric Singson.

Dagiti agtaray a para bokal iti segundo distrito iti babaen ti Lakas-CMD: Bokal Jose Bunoan, pailayon; Bokal Teresita Cordero, pailayon; Bokal Zuriel Zaragoza, pailayon; ABC President Robert Tudayan; ken Atty. Peter Manzano.

Agtaray iti dayta met laeng a puesto iti babaen ti PMP da Teodoro Anno, Edwin Antolin, Reynaldo Aquino, Enrique Canosa, ken Benedicto dela Cruz, idinto nga independiente a kandidato da Ramon Balbin ken Carlos Cachola ken Rosario Gironella.

Saanen nga agkandidato pay da Bokal Alexander Bistoyong, ken Bokal Anna Liza Europa-Morales agsipud ta aggibusen ti maikatlo a terminoda.