Footer

Sugpon, Alilem, naikkan ancestral domain title

CANDON CITY – Dua nga ili iti upland municipalities ti kaudian a naikkan iti ancestral domain titling.  

Kinuna ni Atty. Marvin Biligan, agdama a provincial director ti National Commission on Indigenous People (NCIP), a sipud pay idi 2004, naikkan iti sertipiko iti ancestral domain title ti ili ti Sugpon ken Alilem.

“Naited daytoy tapno masigurado ti seguridad dagiti ancestral land dagiti katutubo ket  saanton a basta agbasakbasak dagiti migrants ken dagiti agminas a korporasion,” kinuna ni Biligan.

Inlawlawagna a saanton a basta makitungtong lattan dagiti minasan wenno korporasion iti mayor wenno gobernador ket mabalindan ti mangigannuat iti aniaman nga operasion wenno panagminas wenno aggian iti maysa a komunidad no di kasapulan pay ti pammalubos ti katutubo .

Kinuna ni Biligan a sumarsaruno ti San Emilio a turongenda nangruna ta adda metten pondo para iti daytoy a gannuat.

“Madama ti panangaramidmi iti action planmi ket umun-una ti San Emilio,” impakaammo ni Biligan idinto nga innayonna a sumarsarunonto ti Cervantes.

“Agarup P500,000 ti naipuntiriami a pundo para iti daytoy a gannuat ngem saan a gulpi a maited, inlawlawag ni Biligan.

Comments are closed.