Footer

Urayek latta ti panagsublim

lipatenka koman, ngem sibibiag met

ti batonlagip dagiti kalmanta

ket agumbi ti iliwko iti lailom

Imatonan ni Jaime M. Agpalo, Jr.

Nalukatan daytoy a benneg tapno makibin dagiti budding writers a mangpatadem iti plumada. Agpaay daytoy  iti amin a grupo wenno asinoman a mayat a mangibisik  iti sinuratna tapno ad-adda pay a mapakired ti riknana a tumiliw kadagiti kigaw a balikas nga isaangna iti pasnaan ti pagimalditan.

Ipatulod ti/dagiti sinurat iti [email protected] wenno wenno iti BENNEG DAGITI KATTUNGBOL, Tawid News Magasin, Rivero Street, Brgy. 9, Vigan City, llocos Sur.

Urayek Latta ti Panagsublim

Ni Rocel Reyes
Dingras, Ilocos Norte

lipatenka koman, ngem sibibiag met
ti batonlagip dagiti kalmanta
ket agumbi ti iliwko iti lailom
ket lumaem pay iti  barukong

umared-ed ti pait iti darikmat
ta dinak panawan ti anniniwan
ti kinaawanmo iti pakarso ni ayat
a nangpasingkedantat’ panagmaymaysata

a, makabatibat dagiti tarimbangon
agbibittayonda a padeppak
iti nalam-ek a sardam, ngem iti kaanoman
dikanto latta malipatan

burakek la koman ti batonlagip
nga ubbog ti di mapenned nga apro
ngem umanges met, umang-anges
isu nga urayek latta ti panagsublim

Comments are closed.