Footer

Dua lalaki, nagkabil iti pasken

NARVACAN, Ilocos Sur – Dua a lalaki ti nagkabil iti dinar-ayanda a pasken gapu iti dida panagkinnaawatan.

Nagringgor da Danilo Cabarloc, residente iti Barangay Bulanos ditoy ken Victor Cordero, residente iti San Pablo, ditoy met laeng nga ili.

Segun iti report, nagrana da Cabarloc ken Cordero iti blow-out ti graduation ti barkadada ket nagiinomda.

Mapapati nga adda di nagkinnaawatan ti dua ket dinanog ni Cabarloc ti rupa ni Cordero a puon ti nakadunoran ti naud-udi.

Naipan ni Cordero iti Central Ilocos Sur District Hospital para iti pannakaagasna idinto a naglibas ti suspetsa.

Comments are closed.