Footer

Tangke ti Gasul, natakaw iti dyip

VIGAN CITY – Ditoy Vigan, saan a mabalin a panawan lattan ti alikamen ta itaray dagiti mannibrong.

Napaneknekan daytoy ni Angelo Reyes, 33, naasawaan, mekaniko, agnaed iti Pantay Daya ditoy, kalpasan a natakaw ti tangke nga imbatina iti uneg ti dyipna.

Inreport ni Reyes iti polis nga imparkingna ti luganna a nagkarga iti kasaksakadana a tangke ti Gasul iti abay ti pagtrabahuanna sa napan nagtrabaho.

Idi agawid iti malem, naduktalanna laengen nga intaray dagiti di pay ammo a mannibrong ti tangke ti Gasul nga imbatina iti uneg ti dyipna.