Footer

2 nasugatan iti aksidente

SAN ESTEBAN, Ilocos Sur – Nakaro a nasugatan ti dua a tao idi nagdinnungpar ti maysa a pick-up ken XRM a motorsiklo iti barangay San Pablo, ditoy.

Nadunor da Merbie Llena, 19, ken residente iti Poblacion Sur, Santa Maria, Ilocos Sur, driver ti XRM a motorsiklo, ken ti insakayna a managan Rosary Fernando, 19, kalugaranna.

Iti inbestigasion, naammuan nga agsikko koma ti Datsun pick-up nga addaan plaka PCH-127 ken minaneho ni Conrado Joseph Balguna, 19, residente iti barangay San Pablo, ngem mapapati a nasobraanna ti kalkulasionna. Insanud ni Balguna ti lugan ngem simmungad ti XRM ket ditan a napasamak ti aksidente.

Naipan dagiti biktima iti Reyes Clinic and Hospital para iti panakaagasda.

Nakaro ti dadael ti motorsiklo.

Comments are closed.