Footer

Baro, naikras ti motorsiklona

SANTA, Ilocos Sur – Napan nagpasiar iti gayyemna ngem dita metten ti nakaaksidenteanna.

Naitaray iti Gabriela Silang General Hospital ni Ronald Racaido, 25, baro, agnaed iti Pantay, Daya, Vigan, Ilocos Sur gapu iti dunorna iti rupa, bibig, saka, ken dadduma pay a paset ti bagina.

Naammuan iti inbestigasion a napan ti biktima iti Santa tapno bisitaenna ti gayyemna ngem iti panagdaliasatna iti Sacuyya, daytoy nga ili, adda kellaat a bimmallasiw a babai ket dina nakontrol ti manibela a puon ti pannakaaksidentena.

Nupay kasta, naammuan a nasayaat metten ti kasasaad ti biktima iti nakaitarayanna nga ospital.

Comments are closed.