Footer

Cenro officer, dinanog ti taona

CANDON CITY – Maysa a pangulo ti maysa nga ahensia ti gobierno ditoy ti dinanog ti taona nga awan ti gapgapuna.

Nainaganan ti biktima a ni Ismael Ganaban, 28, agdama nga officer-in-charge ti Community Environment and Natural Resources Office ken residente iti barangay Patpatta Primero ditoy siudad ken nabigbig ti masuspetsa a managan Louie Garnace, 38, agdama a foreman ti nasao met laeng nga opisina.

Iti inisial nga imbestigasion ti polis, naammuan a makipatpatang ti biktima kada Engr. Reynaldo Querubin ken Reynaldo Reinante iti Senior Citizen building iti Barangay San Nicolas iti daytoy met laeng a siudad idi immasideg ti suspek ket dinanogna lattan ni Ganaban a nakatiroan ti akinkannigid a pangana.

Mapapati a nakainom ti suspek.

Iti kabigatanna, dimmawat ti suspek iti pammakawan ken ni Ganaban ngem saan a dinengngeg ti biktima.