Footer

Revo, natulid gapu iti aso

SAN ESTEBAN, Ilocos Sur – Gapu laeng iti bulos nga aso, naaksidente ti tallo a tao bayat ti panagdaliasatda iti maysa a barangay ditoy.

Nabigbig ti nagmaneho iti Toyota Revo, addaan iti plaka UCR-682 a ni Florentino Arreola, 37, ken residente iti barangay Suso, Santa Maria, Ilocos Sur, ken dagiti inluganna a da Enrie Mendoza II ken Enrie Angelo Mendoza.

Iti imbestigasion iti pulisia, agtartaray ti lugan iti kalsada a sakup ti Barangay Apatot idi kellaat a bimmallasiw ti maysa nga aso iti nagkurbaan.   Liniklikan ni Arreola, ngem natulid ti luganda.

Nupay saan a nasugatan dagiti naglugan, nakaro ti dadael ti Revo.