Footer

Kagawad, kimmugtar

NARVACAN, Ilocos Sur – Maysa a kagawad ti barangay ti nangkugtar iti kaduana a napan a nagpipiknik gapu iti dida panagkinnaawatan a pinataud ti napukaw a selpon.

Nasugatan ni Jerry Arconade, 27, tricycle driver ken residente iti barangay Bulanos gapu iti panangkugkugtar kenkuana ni .Feliciano Abuan Jr., kagawad iti barangay Bulanos met laeng.

Segun iti inbestigasion, napan nagpipiknik dagiti dua agraman ti maysa a managan Jomer Cabanloc idiay barangay Nalvo, Santa Maria, Ilocos Sur.

Idi agawiddan, saan a nagkinaawatan ti dua maigapu iti napukaw a cellphone ti biktima.

Idi bumaba ti biktima iti traysikel, kinugtaran ti masuspetsa iti namin-adu a daras.  

Naitaray ti biktima iti Central Ilocos Sur District Hospital tgapu iti sugat a linak-amna.

Comments are closed.