SANTIAGO, Ilocos Sur – Naospital ti maysa a senior citizen idi aksidente a dungparen ti maysa a motorsiklo idiay barangay Sabangan, ditoy.
Nabigbig ti biktima a ni Pablo Elizaga, 75, ken residente ti barangay Sabangan ditoy idinto a nainaganan ti nakadungpar kenkuana a ni Samuel Ponce, 50, ken residente ti Villa Quirino, San Esteban, Ilocos Sur.
Naammuan iti imbestigasion ti pulis a ti traysikel a minaneho ni Rolando Elefante a nagluganan ti biktima ket saan a nakasang-at iti nangato a parte ti kalsada ket dimsaag ti biktima ngem bayat a magmagna daytoy, simmungad met ti motorsiklo a minaneho ni Ponce ket nasapgid ti biktima.
Naipuruak ti biktima iti sumagmamano a metro a nagsagabaanna iti sugat iti nadumaduma a paset ti bagina.
Naitaray iti Reyes Clinic and Hospital ti biktima.
Comments are closed.