Footer

4 tattao, natiliwan nga agkalkalap iti fish sanctuary

SANTIAGO, Ilocos Sur – Uppat a mangngalap ti kinemmeg dagiti polis kalpasan a natiliwanda  nga agkalkalap iti maysa a fish sanctuary iti kabaybayan ditoy.

Kinemmeg ti tropa ni SPO4 Eduardo Mina da Alejandro Escalona, Jr., Noli Etrata, Glicerio Cobales, ken Gerry Etrata, agpapada a mangngalap nga agnaed ditoy nga ili, kalpasan nga akto a natiliwanda nga agkalkalap iti fish sanctuary.  

Nakumpiska manipud kadakuada ti pana ken dadduma pay a fishing paraphernalias.

Ngem iti imbestigasion kadakuada, kinuna dagiti suspetsa a dida ammo a fish sanctuary ti lugar a nagkalapanda.

Masarakan ti fish sanctuary iti barangay Butol ken Gabao iti daytoy nga ili.

Idi napalabas a lawas, adda manen natiliw a tattao a nagkalap iti fish sanctuary ket nakumpiska kadakuada ti inaramatda a 5 a fishing nets.

Comments are closed.