Footer

Ti kari ti agsapa

Naridam dagiti agdadagsen nga ulep

Natibong ti sennaay bulbulong a pasaray ilili

Naridam dagiti agdadagsen nga ulep
Natibong ti sennaay bulbulong a pasaray ilili
Ti umagibas nga angin
Agsasallupang ti muryot dagiti insekto iti kannag.
Nadangkok ti ilaglagid ti nakaparsuaan
Singaenna’t nasged a panaginana ni Parbangon
Iti nauneg a panagtawataw ni Lagip…
a mangmatimati iti napalabas a garakgak
… iti ragsak ti nagmalem
… iti nagsalog a pigsa
… ken iti naglumen nga apas.
Kalpasan daytoy,
ited ti baro nga agsapa
ti nagpukaw a regta…