Footer

Lalaki, napaltogan bayat nga agirikrikep iti ruangan

STA. MARIA, Ilocos Sur – Maysa a lalaki ti nagsagaba iti sugat iti patongna gapu iti panangpaltog kenkuana ti maysa a lalaki idiay barangay Danuman West, Santa Maria, Ilocos Sur.

Nabigbig ti biktima a ni Simplicio Soria, 44, naasawaan ken agnaed iti nasao met laeng a barangay.

Saan pay a nabigbig ti nangpaltog kenkuana.

Naammuan iti inbestigasion ti polis, nga irikrikep ti biktima ti ruangan ti balayda idi kellaat lattan nga immasideg ti suspek sana pinaltogan ti biktima.

Naitaray ti biktima iti Central Ilocos Sur District Hospital iti Narvacan para iti pannakaagas ti sugatna.

Naglibas  ti suspek a mapapati a tugotna ti paltogna a backshot kas maibatay iti sugat ti biktima.

Comments are closed.