Footer

Parabantay iti pagtagilakuan, tinakawan ti 3 babai

BANTAY, Ilocos Sur – Maysa a babai a parabantay iti pagtagilakuan ti tinakawan ti tallo a babbai a nagpammarang a kustomer iti Barangay Tay-ac ditoy itay lawasna.

Nagpulong iti polis ni May Crisostomo, caretaker ti Mely Mini-Grocery a napukaw ti aywanna a bag a naglaon iti P100,000 a suspetsana a linibas nga innala dagiti tallo a babbai a nagpammarang a kustomer.

Segun iti inbestigasion ti polis, tallo a babai a naglugan iti nangisit a motorsiklo ti simrek iti mini-grocery a kasla adda gatangenda a tagilako.

Saan a nasiputan ni Crisostomo ti ipapanaw dagiti tallo.

Naduktalanna laengen nga awan ti bag a naglaon iti kuarta iti nangipaknianna.

Nabigbig ti biktima ti dua kadagiti suspetsa, maysa a Lorna Quiqui ken An-an Amano, babaen dagiti ladawan dagiti mannanakaw iti file ti polis iti Vigan City.

Comments are closed.