Footer

Riri ti agkabsat, nagtungpal iti pammagsol

SANTIAGO, Ilocos Sur – Gapu iti riri dagiti agkakabsat, maysa kadakuada ti nabagsol babaen mismo ti manongenna idiay barangay San Jose, ditoy.

Binagsol ni Esteban Liquete, 44, ni Romy Liquete, 39, kabsatna ket agpada a  residente iti barangay San Jose ditoy.

Naammuan iti inisial nga inbestigasion nga adda saan a panagkinnaawatan ti biktima ken ni Freddie, sabali pay a kabsat dagiti dua ket naganawa ni Esteban ngem nagsao ketdi iti dakes ti biktima ken kinamatna ti manongna iti buneng.

Nagtaray ti suspek iti balayda ngem simmurot latta ti biktima.

Mapapati a tinagbat ti biktima ni Esteban ngem nalisian daytoy ket binagsolna ti biktima.

Naitaray ti biktima iti Candon General Hospital idinto a boluntario a simmuko iti polis ti suspek.