Footer

Lalaki, kinabil ti kailianna

VIGAN CITY – Maysa a lalaki ti kinabil ti kailianna iti asideg ti plasa ditoy itay lawasna.

Kinabil ni Jeffrey Figueras, 24, baro, taga Don Lorenzo Querubin, Caoayan, ni Aldrin Ragamat, 37, naasawaan, residente iti Pandan, iti met laeng Caoayan.

Segun iti report, gumatgatang ni Ragamat iti sim card iti maysa a pagtagilakuan iti asideg ti Plaza Salcedo idi inasitgan ti suspetsa sana kinabil a nakadunoran ti nadumaduma a paset ti bagi ti biktima.

Kinuna ti biktima a mangidatag iti kaso maikontra iti suspetsa.

Dati a susik ti mapapati a puon ti pannakakabil ti biktima.