Footer

Selpon, napukaw iti opisina ti telekomunikasion

VIGAN CITY – Uray opisina ti kompania a paglakuan iti selpon, saanen a palabsen dagiti agtakaw iti selpon.

Nagreport ni Froilan Tamayo, 33, baro, account management specialist ti Globe Telecommunications Center iti Mart One ditoy a natakaw ti selponna a Sony Ericsson iti mismo nga uneg ti opisinana iti nasao a kompania.

Segun iti biktima, indissona ti selponna iti lamisaanna ket inasikasona dagiti kustomerda ket naduktalanna laengen nga awan ti selponna iti nakaiparabawanna.

Saan pay nga ammo no asino ti nangpidut iti selpon ni Tamayo.

Comments are closed.