Footer

Papadi ti Nueva Segovia, kinondenarda narugit a pannakaisayangkat ti eleksion

VIGAN CITY – Kinondenar dagiti papadi ti Nueva Segovia ti mapapati a narugit a pannakaisayangkat ti eleksion iti probinsia ti Ilocos Sur idinto nga indagadagda ti pannakabilang manen dagiti butos tapno “masigurado ti pudno ken hustisia kasta met iti panagtalek iti proseso ti eleksion.”

Iti maysa nga statement a napagnunummuananda kalpasan ti priest assembly a naangay iti Aula de Nuestra Señora de Caridad iti residensia ti arsobispo ditoy, indeklara dagiti papadi ti panangkondenarda ti narugit a pannakaisayangkat ti eleksion iti probinsia gapu kadagiti mapapati a nakaro a panaggatang iti butos, panaglako iti butos ken opponent-buying kadagiti awan kasangona a kandidatura.

Ngem linagidaw da Gov. Luis “Chavit” Singson ken vice governor-elect Jeremis “Jerry” Singson daytoy a waragawag dagiti papadi idinto nga inyunay-unayda a nagimbestiga koma dagitoy no adda kinapudnona wenno awan dagiti alegasion a naipalaon iti waragawagda.

(Basaen ti reaksion da Gov. Luis “Chavit” Singson ken vice governor-elect Jeremias “Jerry” Singson – Ed.)

Iti statement a pinirmaan da Msgr. Cosmenio Rosimo, priests’ assembly president, ken ni Archbishop ti Nueva Segovia Ernesto Salgado, prinotestaan pay dagiti papadi “ti naaramid nga inhustisia kadagiti umili babaen ti desekrasion iti karbenganda a mangpili ken mangbutos iti liderda” idinto a prinotestaanda ti dinastia ti politika iti probinsia.

Kinuna dagiti papadi a “suportaranda amin a tignay a mangdemanda iti re-counting wenno re-canvassing kadagiti butos iti Comelec-Manila iti kapardasan a posible a tiempo tapno masigurado ti pudno ken hustisia kasta met iti panagtalek iti proseso ti eleksion.”

Kinuna pay dagiti papadi a “naikomitarda iti agtultuloy a pannakaidalan ti politika ken mobilisasion dagiti tattao iti iti babaen ti pannarabayda a maiturong iti politikal a transpormasion.”

Dagiti sumaganad ti dinakamat dagiti papadi a naobserbaran iti napalabas nga eleksion: election returns a saan a seliado; substitusion ti panid 3 ti ER iti presinto 5, barangay Ballaigi, Sinait; nangatngato a bilang ti valid ballots ngem iti registered voters; saan a pannakaited iti Citizens Accredited Arm iti kopia ti presinto ket naibaon dagitoy nga alaenda iti municipal level; blanko ken saan a kumpleto a data dagiti botante ken balota iti sumagmamano nga ERs; pannakataktak ti canvassing iti Candon City ken provincial canvass; dagiti report a pannaka-suspenso ti canvassing iti sumagmamano nga ili; kaadda iti erasures iti Candon COC iti gubernatorial post nga awanan iti countersign; saan a naisurat iti balikas ti kadagupan ti butos iti Narvacan COC.

Comments are closed.