Footer

Ina, kinabil ti anakna

NARVACAN, Ilocos Sur – Nagpatulong ti maysa nga ina iti polis gapu iti mapapati a panangkabil kenkuana ti bukodna nga anak idiay barangay Sulvec ditoy.

Nagpulong iti polis ni Rosemarie Barnachea, 39, balo ken residente iti nasao met laeng a barangay a kinabil ti anakna a ni Ryan Barnachea.

Sakbayna, dimmawat ti biktima iti tulong ken ni Reynaldo Balallo, barangay tanod, gapu iti panangdangran ni Ryan kenkuana. Kadua ti tanod ni Alexis Baretto, maysa nga army reservist, a napan iti pagtaengan ti biktima. Ngem mapapati a binato ida ti suspek ken ti kaduana nga ulitegna. Gapu itoy, timmawag ti tanod ken biktima iti pulis.

Naipan ti ina iti Central Ilocos Sur District Hospital gapu iti sugat a linak-amna. Positibo a nakainom iti arak dagiti dua a suspek.

Comments are closed.