Footer

Agtutubo, napaltogan iti beerhouse

CANDON CITY – Napaltogan ti maysa a baro idi aksidente a nanalbuong ti paltog ti security guard a manganawa kenkuana iti mapapati a panangguloda nga agkabsat iti maysa a paginuman ditoy.


Nabigbig ti napaltogan a ni Marvin Garque, 19, baro, idinto a nainaganan ti guardia a ni Joefred Bobo, 29, security guard ti Apple Disco and Canteen, ken residente iti barangay Cadanglaan, Banayoyo, Ilocos Sur.

Iti inisial nga imbestigasion ti polis, sakbay ti insidente, nakiringgor ti grupo ni Garque iti sabali a grupo dagiti agiinom iti nasao a pagpalpaliwaan. Mapapati a nagprobokar ti biktima ket sakbay a pimmanaw, nagballaag nga agsubli.

Idi nagsubli ti biktima, kadduana ti kabsatna ket nagbansagbansagda ti bato. Inanawa ida ti security guard ngem mapapati nga inatakarda ketdi daytoy. Agwarning shot koma ti guardia ngem iniggaman dagiti agkabsat ti imana ket aksidente a nagputok ti paltog a nakapuntaan ti barukong ti biktima.

Naitaray ti biktima iti Candon City Hospital para iti panakaagasna idinto a boluntario a simmuko ti guardia iti polis. ##

 

Comments are closed.