Footer

Dekalidad ken immadu ti produksion ti tabako: NTA

CANDON CITY – Dakkel ti produksion ken nakalidad ti apit dagiti agmulmula iti tabako iti daytoy a tawen.

Daytoy ti naammuan bayat iti interbio ken ni agdama a Candon City Branch manager ti National Tobacco Administration Rodrigo Pagtulingan  a mangsaksakup iti maikadua a distrito ti Ilocos Sur.

“Ngimmato ti produksion ta nanayonan ti namulaan iti 300 nga ektaria,” kinuna ni Pagtulingan idinto nga innayonna a ti kalidad dagiti bulong ti tabako ti maysa kadagiti kasayaatan a produksion kas kinumpirmaran dagiti aggatgatang ti tabako.  .

“Iti bulan pay laeng ti Marso addan 4.5 a milion a produksion.  Agdagup iti 10-12 milion ti target production iti daytoy a tawen.”

Kinunana ni Pagtulingan a madama ti evaluasionda kadagiti pigura,  preparasion iti after-operation reports ken trading operations ket agtultuloy agingga iti bulan ti Hulio.

“Posible a kadagiti masungad nga aldaw,  addanto manen dagiti interventions maipanggep iti rice production nga ibusbosan ti Quedancor ken ti agtultuloy a kolaborasion ti NTA-Candon babaen ti Multi-Line Food Processing Plant,” innayonna.

Iti daytoy a tawen,  inikkan importansia ti NTA  ti produksion dagiti de-kalidad a bulong ti tabako tapno makibalubal iti international market.  Naitudo pay dagiti salty ken non-salty area a nagmulaan dagiti mannalon ti tabako.

Comments are closed.