Footer

Bomba, bimtak, 3 nasugatan

CANDON CITY – Tallo ti nasugatan a pakairamanan ti maysa nga ubbing kalpasan a bimtak ti maysa a bomba idiay barangay Palacapac, Candon City.

Nainaganan dagiti biktima a da Raffy Tudayan, 19,  Alejandro Bicasan, 29, ken ni Jill Agsie Bisting, 10, agpapadada nga agnaed iti nasao a barangay.
Naammuan iti inbestigasion ti polis a nasarakan ni Tudayan ti bomba idi napan iti piggery farmna a masarakan iti turod a paset ti barangay ket intedna ken ni Bicasan. 
Bayat ti pannagnada iti kalsada, inay-ayam ni Bicasan ti bomba ket aksidente a naibbatanna a puon ti panagbettakna.
Nasugatan dagiti biktima pakairamanan ni Bisting a natamaan iti shrapnel a simiag iti uneg iti pagtaenganna.
Naammuan kadagiti inbestigador manipud iti PNP ditoy ken iti Ilocos Sur Provincial Police Office  a maysa 40 mm ti bomba a bimtak.

Comments are closed.