Footer

Karro, nakidinnungpar iti traysikel, 1 natay

STA. LUCIA, Ilocos Sur – Mangitulod koma ti karro iti minatay ngem nakidinnungpar iti maysa a traysikel a puon ti pannakatay ken pannakadunor dagiti naglugan ditoy idiay barangay Vical, Santa Lucia, Ilocos Sur.

Naitaray iti Candon City Hospital dagiti agkabsat a  Nelson Galus y Gascon, 26,   ken Ronald Galus, baro, agpada a residente iti barangay Bagani Tocgo, Candon City, ngem saanen a naidanon a sibibiag ni Nelson.
Iti panagimbestiga dagiti polis ditoy, naammuan a labsan koma ti traysikel a minaneho ni Ronald ti maysa a lugan ngem nasabatna ti karro a minaneho ni Alfredo Jadornio, 55, residente iti barangay Calaoan, a nagkarga iti bangkay ket nagdinnungpar dagiti dua a lugan.
Iti pannakaisurat daytoy, naiyalis ni Ronald iti San Fernando, La Union.

Comments are closed.