Footer

I. Sur, katalnaan a probinsia iti eleksion

VIGAN CITY – Ti Ilocos Sur ti katalnaan a probinsia itay napalabas a bakal ti politika.

Daytoy ti impakaammo ni Police Regional Director ti Region I, Police Chief Supt. Leopoldo N. Bataoil bayat ti Talakayan sa Isyung Polis a naangay iti Vigan Culture and Trade Center ditoy itay nabiit.

Kinuna ni Bataoil a napili ti Ilocos Sur a katalnaan a probinsia itay napalabas nga eleksion kas naibasar iti naisubmite a comparative report dagiti provincial police offices iti Ilocos Norte, La Union, Pangasinan ken daytoy a probinsia.

Kangrunaan a topiko ti Talakayan sa Isyung Police ti pannakaammo ti kasasaad ti urnos ken talna iti rehion iti napalabas nga eleksion .

Kangrunaan a sangaili iti nasao a programa ni Bataoil a tinabunuan pay ni kabarbaro nga Ilocos Sur PNP provincial director PS/Supt. Jessie Cardona, Vigan City COP PSupt. Maximo Torricer, Candon City COP PSupt. Rey de Peralta ken dagiti dadduma pay a hepe ti polisia iti probinsia.

Segun pay iti direktor, manipud bulan ti Enero agingga iti Hunio iti daytoy a tawen, 20 porsiento ti bimmabaan ti crime incident iti Ilocos Sur idinto nga innayonna a dakkel daytoy a pakabigbigan dagiti amin a kameng ti kapolisan iti Ilocos Sur ta babaen ti panagtinnulong ti tunggal maysa ken iti komunidad, “nagun-odtayo daytoy a pammadayaw”.

Comments are closed.