Footer

Balbala, shabu paraphernalia, nakumpiska iti panagsukisok dagiti polis

SAN VICENTE, Ilocos Sur – Maysa a masuspetsa a drug pusher ti naipilaan iti kaso kalpasan ti pannakakumpiska iti pagtaenganna kadagiti bala ti paltog ken ramit ti maiparparit a droga.

Napilaan iti provincial prosecutor’s office itay Agosto 7 ni Benjamin Encarnacion, 52, residente iti Bayubay ditoy nga ili iti kaso a panaglabsing iti RA 8294 kalpasan a nakumpiska dagiti polis kadagiti balbala ti paltog ken drug paraphernalia bayat ti search operation nga insayangkatda iti pagtaenganna.

Nakaala ti nagtipon a bunggoy ti CIDG ken dagiti polis ditoy iti balay ni Encarnacion iti pito a bala para iti cal. 45, maysa a bala ti gauge 12 shotgun, 1 a kapsula iti gauge shotgun ken shabu paraphernalia.

Sinaksian dagiti barangay officials ti Bayubay ti nasao a panagsukisok iti pagtaengan ni Encarnacion.#