Footer

Ubing, namolestia

STA. CRUZ, Ilocos Sur – Maysa nga agtawen iti siam nga ubing a babai ti mapapati a minolestia ti kalugaranna a lalaki ditoy nga ili.

Iti inisial nga inbestigasion ti polis, agay-ay-ayam ni Baby (parbo a nagan), agtawen iti 9, residente iti Pinipin ditoy idi inawis ni Wilson Javillo, kalugaranna, nga agdigosda iti baybay.
Mapapati a nagkedked ti ubing ngem binagkat ti suspek nga impan iti baybay sada nagdigos.
Bayat ti panagdigosda, mapapati nga impaiggem ti lalaki ti mabagbagina idinto nga inap-aprosanna dagiti pribado a paset ti ubing.
Binallaagan ti suspek ti biktima a dina ibagbaga ti naaramid ngem nagpulong ti ubing kadagiti nagannak kenkuana.

Insigida a nagpulong dagiti nagannak iti polis.

Comments are closed.