Footer

2 pagtaengan, sinukisok ti polis

NARVACAN, Ilocos Sur – Dua a pagtaengan iti maysa a barangay ditoy ti sinukisok dagiti pannakabagi ti linteg kas paset ti agtultuloy a nainget a kampaniada maikontra iti maiparparit a droga.

Sinukisok ti nagkaysa a puersa ti police provincial office ken ti PNP ditoy ti pagtaengan ni Samuel Miranda, 40, ken ni Solomon Miranda, agpada a residente iti Sulvec iti daytoy nga ili.

Naala iti pagtaengan ni Samuel Miranda ti dua a bala ti gauge 12 shotgun, ken maysa nga improvised tooter iti rabaw ti kabinet.

Nupay kasta, negatibo ti resulta ti panagsukisok dagiti polis iti pagtaengan ni Solomon Miranda.

Naiwayat ti panagsukisok babaen ti search warrant nga inyisio ni Judge Francisco Ante Jr., ti MCTC-Vigan City. (Danny Antalan)

Comments are closed.