Footer

Negosiante, nadisgrasia ti luganna, naospital

SANTA CRUZ, Ilocos Sur.  Maysa a babai a negosiante ti nasugatan gapu iti pannakaikanal ti manmanuehenna a lugan iti sakup ti barangay Villa Gacia ditoy nga ili.

Nabigbig ti biktima a ni Candy Caluya y Prinsipe, 35, ken residente iti barangay 9, Laoag City.

Segun iti inbestigasion, agpaabagatan ti Toyota Avanza a minaneho ni Caluya ket labsanna koma ti sarsarunuenna a van ngem  gapu iti kinagalis ti dalan, dina nakontrol ti manibela ket naidungpar ti lugan iti akasia sa naipasirok iti kanal.

Naitaray ti biktima iti Southern Ilocos Sur District Hospital para iti panakaagasna.#