Footer

Padanum, kasapulan ti pagay

Agluklukot kadi dagiti bulong ti pagayyo?

No aglukot dagiti bulong ti pagayyo iti tengnga ti aldaw, masapulen a padanumanyo ti pagay iti uray dua a pulgada laeng ti kaunegna tapno saan a bumaba ti apit.  

Tandaanan dagitoy sumaganad a palagip tapno saan a matay dagiti pagay ken bumassit unay ti apit kadagiti panawen a narigat ti danum:  

No napigket ti daga, agpadanum uray lima nga aldaw kalpasan a maatianan ti talon; kalpasan ti tallo nga aldaw met no panaraten wenno napukray ti daga. No alas dies pay la iti bigat ket aglukoten ti bulong ti pagay, masapul nga agpadanum a dagus tapno saan a maparigat ti pagay, a pakaigapuan ti bassitto nga  apiten.  

No agginaw ti pagay, wenno madama nga agsabong, masapul nga adda latta danum ti sinilong, uray dua a pulgada laeng ti kaunegna.  

Sakbay nga agpadanum, siguraduen nga awan ti abut dagiti tambak tapno agpaut ti danum iti uneg ti sinilong.

Para iti dadduma pay nga impormasion, agtext ti numero 0920-911-1398, wenno tumawag ditoy PhilRice, (044)456-0651/-0433 local 212, sapulen ni Jovino De Dios wenno ni Alex Espiritu. #

Comments are closed.