Footer

TMX, Viron, nagsinnapgid, 2 nasugatan

SANTA MARIA, Ilocos Sur.  Nasugatan ti dua a lalaki gapu iti pannakidinnungpar ti motorsikloda iti maysa a bus iti nagkurosan a rummuaran iti public market ditoy.

Nagdinnungpar ti TMX 155 a minaneho ni Geronimo Dofredo, 27, ken residente iti Luna, Burgos, Ilocos Sur iti Viron Trans body number 1885 ken plaka AVG-285 a minaneho ni Rani Barracas, 35, ken residente iti Limmansangan, Alaminos, Pangasinan iti intersection exit ti public market iti daytoy nga ili.

Naammuan iti inbestigasion ti polis nga agdaldaliasat ti Viron Transit iti national highway idi rimmuar ti TMX iti intersection a puon ti  panagsinapgid dagiti dua a lugan.

Nasugatan ti driver ti motorsiklo agraman ti kaduana a pahinante idinto a nadadael ti luganda.#

Comments are closed.