Footer

World Breastfeeding Month, naselebraran

VIGAN CITY – Agdagup iti 20 nga inna ditoy ti nakipartisipar iti simultaneous breastfeeding nga insayangkat ti Department of Health iti sapasap a pagilian itay Agosto 6.

Daytoy nga aktibidad ket paset ti selebrasion iti World Breastfeeding Month a maang-angay iti bulan ti Agosto a panangipromot ti gobierno a ti tubbog ti suso ti kasayaatan a pangtaraon iti maladaga.

Nagkikinnamayyet ti city government, opisina ti social welfare development ken ti Technical Education Skills Development Authority iti pannakaisayangkat ti nasao nga aktibidad .

Idi Mayo, agdagup iti 16,000 nga inna ti naggigiddan a nagpasuso ket nairekord daytoy iti Guinness Book of Records.#