Footer

Balay, natakawan

SANTA MARIA, Ilocos Sur.  Maysa a family house ti tinakawan itay nabiit dagiti di nabigbig a tattao  idiay barangay Baliw Laud iti daytoy nga ili.

Nagreport iti polis ni Ryan dela Cruz, 22, a sinerrek dagiti agtatakaw ti pagtaenganda ket kinasakasda ti cellphone 6610i, singsing, aritos, MP4 ken P470.

Segun iti biktima, inikkat dagiti mannanakaw ti jalousy iti kuartona ket ditoy ti simrekanda.

Naglibas dagiti mannanakaw iti kusina.

Naduktalan ti panagtakaw idi masangpetan ti biktima ti kuartona a nalukatan dagiti drawer ken naiwarawara dagiti dadduma nga alikamenna.#

Comments are closed.