Footer

Kustomer, napaltogan iti beerhouse

STA. MARIA, Ilocos Sur. – Napaltogan ti maysa a lalaki iti uneg ti maysa a beerhouse iti Barangay Baliw ditoy gapu iti saan a panagkinnaawatan ti grupona iti sabali a grupo.

Naitaray ni Ronald Quidot, 38,  ken residente iti Barangay San Antonio, Narvacan, Ilocos Sur iti St. James Hospital iti Vigan City kalpasan a pinaltogan ni Manny Rebula, 24, ken residente iti sitio Nalasin, Barangay Laslasong Norte, ditoy nga ili.

Naammuan iti inbestigasion ti polis  nga agiinom ti biktima nga adda kakaduana iti nasao a beerhouse idi adda saan a panagkikinnaawatan ti grupona iti  grupo ti suspek  nga agiinom met iti nasao a beerhouse. 

Timmakder ti suspek ket mapapati nga inasutna  ti paltogna sa kimmarit.

Aganawa koma ti biktima ngem  pinaltogan ti suspek a nakasugatan ti tengnged ti immuna. #

Comments are closed.