Footer

Mangngalap, nabungbong

CABUGAO, Ilocos Sur – Maysa a mangngalap ti natay gapu iti mapapati a panagbettak ti sinindianna a bungbong sakbay a maibatona.

Segun iti report manipud iti polis ditoy, impatay ni Marcelo Somera, agnaed iti Barangay Sabang ditoy dagiti sugatna iti nadumaduma a paset ti bagina gapu iti panagbettak ti bungbong nga iggemna.

Impakaammo ni Isagani Valdez, 35, kalugaran ti biktima ti napasamak iti police station ket iti panagresponde dagiti polis, nadatnganda a natayen ni Somera iti igid ti waig.

Kinuna ni Valdez nga agturong iti baybay idi makangeg iti napigsa a kanalbuong iti waig ket nakitana ti kalugaranna a naipuruak.

Kinuna dagiti polis a posible a nakakita ti biktima iti pangen ti ikan ket sinindianna ti bungbong ngem nagbettak daytoy a saanna pay a naibato.#

Comments are closed.