Footer

4 police officers, napadayawan

VIGAN CITY –  Lima nga opisial ti kapolisan ken uppat a municipal police stations   ti karaman dagiti  napadayawan gapu iti nagapuananda iti pannakatagiben iti urnos ken talna iti probinsia bayat ti selebrasion ti National Crime Prevention Week a naangay iti provincial capitol itay Setiembre 17 ditoy.

Karaman  kadagiti naikkan iti pammigbig kas Outstanding PNP Performing Personnel da PCI Saturnino Ediong, SPO4 Antonio Avera, PCI Catalino Ragasa, P/Insp. Noel Blaza, ken PO2 Sanny Pat Seguismundo idinto a  napadayawan ti  Caoayan, Narvacan, Bantay ken Vigan City Police Station kas pagwadan a municipal police stations iti probinsia.

Kangrunaan a sangaili iti simple a programa a naangay iti provincial capitol da  Savellano, Singson, Police Senior Supt. Virgilio Fabros, kabarbaro a provincial director,  ken  DILG Provincial Officer Federico Bitonio.

Iti  mensahe  ni Governor Deogracias Victor “DV” Savellano, inggunamgunamna nga agtultuloy koma ti panagtitinnulong ti amin a kaprobinsiaan tapno mapagtalinaed  ti Ilocos Sur  kas katalnaan a probinsia ditoy Rehion Uno.

Kinuna met ni Vice Gov. Jeremias “Jerry” Singson a dakkel itan ti maitulong ti tunggal umili iti pannakapatalinaed ti linak ken kappia iti probinsia idinto nga indagadagna nga agkikinnamayyet koma ti amin tapno saanen a mapasubli daydi saan a nasayaat a pakasaritaan ti probinsia idi tiempo ti “sakasaka”.

“Sakasaka” ti birngas dagiti pagbutbutngan nga armado a pasurot dagiti politiko iti probinsia nangruna iti eleksion idi  sumagmamano a tawen sakbay a naiyetnag ti Martial Law.

Dagiti dadduma pay a napadayawan:

Outstanding Lupong Tagapamayapa, 1st – 3rd class municipal category – Brgy. Pinipin, Sta. Cruz nga isu pay ti regional winner (PB Isidro Vedana); Brgy. Lungog, Narvacan (PB Socorro Cauton), Brgy. Ayusan, Sta.Lucia (PB Ramon Abella);   Brgy. Gabur, Tagudin (PB Eduardo Somera);

4th- 5th Class Municipal Category – Brgy. Dalawa, Alilem (PB Feliciano Bugtong); Brgy.Pob.Galimuyod (PB Ely Manuel Udayan); Brgy. Bulag, Bantay (PB Benedicto Cariño); Brgy. Nagpanaoan, Burgos (PB Diosdado de Fiesta); Brgy. Nagsupotan, San Juan (PB Clemente Briones); Brgy. Gabao, Santiago (PB Ernesto Calip); Brgy. Banga, Sugpon (PB Nestor Sagayo); ken Brgy.Pob.Suyo (PB Bello Pagui).

Best Municipal Peace and Order Council, City category : Candon City;

1st – 3rd class category : Sta. Lucia MPOC ken Narvacan MPOC;

4th-5th class category: San Emilio MPOC nga isu pay ti Regional winner; Bantay MPOC; ken Suyo MPOC;

Dept.Of Justice: Judge Francisco Ante, Jr. ken Prosecutor Jessica Viloria;

Media: Freddie Lazaro, Phil.Information agency;

Bureau of Fire Protection ken Bureau of Jail Management: Insp. Rae Sumedca, Provincial Chief Administration; Insp. Arvin Aquino, Provincial Chief Operation;   ken JO1 Laurente Urbano III, JMP iti Vigan City Jail.#

Comments are closed.