Footer

Lalaki, natay iti aksidente

STO. DOMINGO, Ilocos Sur – Natay ti drayber ti motorsiklo iti aksidente a napasamak iti kalsada nasional a sakup ti Barangay Puerta Real ditoy nga ili.

Natay a sigida ni Bernardo Ursua, 39, naasawaan, ken taga-Cabaroan, Magsingal gapu kadagiti grabe a sugatna iti ulo ken nadumaduma a paset ti bagina.

Saan a naan-ano ti drayber ti Isuzu Cab a ni Percy de Guzman, 44, naasawaan ken residente iti Miramar, Magsingal, Ilocos Sur.

Segun iti inbestigasion dagiti polis ditoy, sarsarunnuen ti Honda XRM motorcycle a minaneho ni Ursua ti Isuzu Cab a minaneho ni de Guzman bayat ti panagdaliasatda nga agpaamianan.

Mapapati a bigla a nagsikko ti Isuzu Elf ket saan a napakpakadaan ni Ursua a puon ti nakadungparanna iti akinlikud a bakrang ti Elf.#