Footer

Soldado, kinursonada grupo dagiti agtutubo

CANDON CITY.  Maysa a soldado ti nakursonadaan ti grupo dagiti lallaki ket linugoban ken binagsolda iti sanguanan ti gayyemna a babai.

Naglak-am ni PFC Jesus Dulay y Basada, 23, baro, taga-Rizal, Santiago City, Isabela, kameng ti 50th Infantry Batallion a nakabase iti Guimod, San Juan, Ilocos Sur iti bagsol iti tianna kalpasan a nagtitinnulongan a kinabil ti grupo iti agarup alas 5 ti bigat San Isidro ditoy.

Nainaganan dagiti nangkursonada kenkuana a da Elisio Gagtan, Jr, 25; Bryan Resurreccion, 18; Jetzar Cortez, 22; Apolo Gagtan, 19; ken Ariel Gagtan, 21; agpapada a residente iti barangay San Jose, ditoy met laeng siudad.

Naammuan iti inisial nga imbestigasion ti polis a magmagna ti biktima ken ni Jane Villanueva, 23, temporario nga agnaed iti Barangay San Isidro, Candon City, iti sango ti Jollibee idi sinaruno ida ti nasao a grupo. 

Simrek ti biktima ken ni Villanueva iti S4 Grocery tapno maliklikanda ti grupo.

Maysa kadagiti lallaki ti immasideg iti biktima sana dinanog. Bimmales ti soldado ngem ditan a pinagaadduan ti grupo.  Maysa kadakuada ti nangbagsol iti soldado.

Nagtataray a naglibas dagiti suspek kalpasan a nabagsol ti biktima. Intaray dagiti immarayat a tattao ti biktima iti Resonable Hospital para iti pannakaagasna.

Insuko da Billy Briones ken Godofredo Abrero, kameng ti ICAG, dagiti suspetsa iti polis.

Di pay ammo no ania ti motibo ti pammagsol.#

Comments are closed.