Footer

2 nayospital gapu iti aksidente

STA. MARIA, Ilocos Sur –  Dua a tao ti naitaray iti ospital gapu iti
panagdinnungpar ti naglugananda iti Barangay Maynganay Sur ditoy.

Naitaray iti ospital para iti pannakaagasda da Mila Domaok, 27, residente iti Barangay Lingsat ditoy ken nagmaneho iti motorsiklo a Honda XRM, awanan plaka, ken ni Warlito Domingo, 15, residente iti Wadao, Malibcong, Abra, naglugan iti bisikleta.

Segun iti report ti polis, kellaat a nagsikko ni Domingo ket nadamgis ti XRM a sumarsaruno kenkuana.

Naitaray ni Domaok iti Reyes Clinic and Hospital idinto a naipan iti Sto. Nino Hospital ni Domingo gapu iti garumiad a sinagabana.#