Footer

Agama, nadunor iti aksidente

VIGAN CITY – Nadunor ti agama iti aksidente a napasamak iti nagkurusan ti Quezon Avenue ken Burgos Street ditoy itay lawasna.

Natukkol ti saka ni Dennis Leonardo Requilman, 37, naasawaan, idinto a nadundunor ti anakna a ni Mark, 4, idi nakidinnungpar ti luganda a Yamaha RS iti maysa a Hyundai van a minaneho ni Edwin Arcena, 43, residente iti Cabaroan Daya ditoy a siudad iti nasao a nagkurusan.

Segun iti polis, agpaabagatan ti motorsiklo idinto nga agpadaya ti van idi nagdinnungparda iti nagkurusan.

Naitaray dagiti biktima iti Lahoz Clinic and Hospital para iti pannakaagas dagiti sugatda.

Simmuko iti polis ditoy ni Arcena.#