Footer

Agkayong, nagriri, natagbat ti maysa

CANDON CITY – Naginnarmar dagiti agkayong gapu iti dida panagkinnaawatan ket natagbat ti maysa.

Segun iti report, nakaawat dagiti pannakabagi ti linteg ditoy siudad iti tawag manipud iti telepono nga adda riri iti Barangay San Jose ditoy ket nagrespondeda.

Nadatnganda a nasugatan ti saka ni  Dominador Flores gapu iti panangtagbat kenkuana ti kayongna a ni Rodolfo Mina, 42, agpaspasada iti traysikel, ken residente iti Barangay San Jose, ditoy.

Segun iti panagimbestiga dagiti polis, adda saan a panagkinnaawatan dagiti dua ket mapapati nga inuksot ni Flores iti paltogna ngem ginabbo ni Mina agingga a pimmutok ti paltog. Nupay kasta, awan ti napuntaan.

Mapapati nga innala ni Mina ti bunengna sana tinagbat ti saka ni Flores.

Saan nga ammo ti kagagapu ti saanda a panagkinnaawatan.#

Comments are closed.