Footer

Babai a pilantropo, padayawan ti gobierno probinsial

VIGAN CITY – Impakaammo ni Vice Gov. Jeremias “Jerry” Singson a padayawan ti gobierno probinsial ni Ma. Lalaine Madrigal a kas adopted daughter ti probinsia.

Maited ti pammadayaw iti Ilocos Sur Festival a maangay ditoy probinsia inton Enero 27-Pebrero 3.

Ti foundation nga idadauluan ni Madrigal ti mangipapaay kadagiti libre nga agas para kadagiti nagsasaruno a medical mission nga insayangkat ti gobierno probinsial ken ti pannakapaadda dagiti ambulansia para kadagiti district hospitals iti probinsia.#