Footer

Baket, nadungpar, nayospital

CANDON CITY.  Nayospital ti maysa a baket kalpasan a dinungpar ti maysa a chop-chop a motorsiklo iti national highway a saklaw ti Barangay Calaoaan ditoy.

Naitaray iti ospital para iti pannakaagas dagiti sugatna ni  Ofelia Gallardo y Domingo, 66, awanan asawa, ken residente iti Barangay Calaoaan.

Nabigbig met ti nakadungpar kenkuana a ni  Lucio Gavino, 27, ken residente iti barangay Calimugtong, Galimuyod, Ilocos Sur.

Naammuan iti inbestigasion a bimmallasiw ti baket iti kalsada ket nadungpar ti Yamaha Beluga, awanan plaka, a minaneho ni Gavino.

Naitaray iti Resonable Hospital ti biktima para iti panakaagasna.#

Comments are closed.