Footer

Agkabsat, nagdinnangran

SANTIAGO, Ilocos Sur – Gapu ta nalaokanen ti darada iti arak, nalipatan dagitoy dua nga agkabsatda ket nagkabilda a puon ti nakayospitalan ti maysa.

Nainaganan dagiti agkabsat a da Avelino Galanote, 53, ken  ni Jeffrey Galanote, agpada a residente iti  Barangay Busel-busel daytoy nga ili.

 Kas maibasar iti blotter ti pulis, agin-inom dagitoy dua iti nasanger iti pagtaengan ti maysa met laeng a kabsatda idi adda saanda  a panagkinnaawatan ket mapapati a nangala ni Jeffrey iti bato sano indanog iti ulo ti kabsatna.

Naitaray ti biktima iti Candon General Hospital para iti panakaagasna idinto a naglibas  ti suspek.#